O bryd i’w gilydd mae twyllwyr yn esgus gweithio i ni, felly os nad ydych chi'n siŵr, mae'n bwysig gwirio. Darganfyddwch sut i adnabod e-byst, galwadau ffôn, a gwefannau ffug FCA.
Bydd sgamwyr yn ceisio unrhyw beth i'ch cael i drosglwyddo gwybodaeth bersonol bwysig. Efallai y byddant hyd yn oed yn dweud eu bod yn gweithio i ni.
Efallai y byddwch yn cael e-bost, llythyr neu alwad ffôn gan rywun sy'n honni eu bod o'r FCA. Efallai y byddant yn defnyddio enw gweithiwr, ein logo, neu ddelweddau eraill o'n gwefan, i wneud i chi feddwl bod y cyfathrebu yn ddilys.
Efallai y byddant hefyd yn honni eu bod o'r Awdurdod Gwasanaethau Ariannol (FSA), y sefydliad oedd yn arfer rheoleiddio gwasanaethau ariannol yn y DU.
Sut mae gohebiaeth ffug FCA yn gweithio
Efallai y bydd sgamwyr yn gofyn i chi am wybodaeth bersonol, gan gynnwys copïau o'ch slipiau cyflog neu basbort, manylion cyfrif banc neu gyfrineiriau bancio rhyngrwyd.
Efallai y byddant yn honni:
- Fod arian yn ddyledus i ni.
- Mae gennych hawl i arian, ac mae angen manylion eich cyfrif banc arnom i wneud y taliad.
- Rydym yn ymchwilio i'ch banc neu ddarparwr arall, ac mae angen i chi symud eich arian i gyfrif arall am resymau diogelwch.
Mae'n bwysig cofio na fyddem byth yn gofyn i chi drosglwyddo arian atom. Ni fyddem byth yn gofyn am wybodaeth bancio sensitif, fel rhif adnabod PIN cyfrif banc a chyfrineiriau.
Sut i adnabod gohebiaeth FCA ffug
Chwiliwch am arwyddion nad yw'r e-bost, y llythyr neu'r alwad ffôn yn dod oddi wrthym ni.
- Gallai galwadau ffôn fod o rif ffôn symudol neu dramor.
- Gallai cyfeiriad e-bost fod o gyfrif Hotmail, Outlook neu Gmail.
- Gall cyfathrebu gynnwys camgymeriadau sillafu a gramadeg gwael.
- Gall cyfeiriadau gwefannau a chyfrifon cyfryngau cymdeithasol gynnwys newidiadau bach o'n gwefannau dilys, neu gynnwys atalnodi ychwanegol.
Pryd rydym yn cysylltu â chi
Ar achlysuron prin, efallai y byddwn yn eich ffonio os ydym yn meddwl:
- Gallwch helpu mewn ymchwiliad.
- Rydych chi wedi dioddef yn sgil trosedd ariannol.
Ar yr achlysuron hynny, efallai y byddwn yn gofyn i chi am rai manylion personol, gan gynnwys eich manylion cyswllt. Os ydych chi'n poeni am bwy rydych chi'n siarad â nhw, cysylltwch â ni[1] ar 0800 111 6768. Bydd ein tîm yn hapus i aros i chi wirio.
Galwadau ffug
Gall sgamwyr wneud i'n rhifau switsfwrdd – 020 7066 1000, 0300 500 8082 a 0800 111 6768 – ymddangos yn eich ID galwr. Gelwir hyn yn ffug rhifau neu ‘number spoofing’.
Er mwyn diogelu eich hun, peidiwch â rhoi unrhyw wybodaeth bersonol ar alwad sy'n dod i mewn a pheidiwch â ffonio yn ôl gan ddefnyddio'r manylion cyswllt y mae'r galwyr yn eu darparu.
Nid ydym yn defnyddio WhatsApp na gwasanaethau negeseuo eraill, ac nid ydym yn defnyddio systemau galw awtomataidd. Os ydych chi'n amheus am alwad, rhowch y ffôn lawr yn syth. Gallwch wirio i wneud yn siŵr bod galwad gennym yn ddilys drwy gysylltu â ni[1] ar 0800 111 6768.
Negeseuon e-bost FCA
Rydym yn anfon negeseuon e-bost o gyfeiriadau sy'n diweddu gyda:
- @fca.org.uk
Mae gennym fesurau ar waith i atal twyllwyr rhag copïo a defnyddio ein cyfeiriadau e-bost. Ond gall twyllwyr ddefnyddio cyfeiriadau e-bost tebyg i wneud i'w negeseuon e-bost ymddangos yn ddilys.
Os yw e-bost yn edrych yn amheus, dylech ei ddileu heb ei agor.
Gweithwyr FCA
Mae twyllwyr yn aml yn defnyddio enwau gweithwyr FCA i dwyllo unigolion. Ond mae'n bwysig cofio:
- Ni fydd gweithwyr FCA yn rhannu eu ID llun, er enghraifft pasbort neu bathodyn ID FCA, i brofi eu bod yn gweithio i'r FCA.
- Nid yw gweithwyr FCA wedi'u rhestru ar ein Cofrestr Gwasanaethau Ariannol[2] (cofnod o'r cwmnïau a'r unigolion rydyn ni'n eu hawdurdodi neu'n eu cofrestru).
Os ydych chi wedi derbyn cyswllt gan rywun sy'n honni ei fod o'r FCA, mae'n bwysig eich bod yn cysylltu[2] i wirio.
Fersiynau ffug o'n gwefannau
Gall twyllwyr gopïo ein gwefannau a newid y wybodaeth. Efallai y byddant yn newid ein tudalennau rhybuddion i wneud iddo edrych fel ein bod wedi awdurdodi cwmni sgam.
Gall y gwefannau ‘clôn’ hyn fod yn gredadwy iawn, gyda dolenni a gwybodaeth gyswllt wedi'u copïo o'n gwefan go iawn.
I wneud yn siŵr bod gwefan yn ddilys, dylech wirio'r cyfeiriad (URL) sy'n ymddangos yn y bar cyfeiriad ar frig y dudalen we.
Os ydych chi ar ein gwefan, dylai bob amser ddechrau gyda https://landmark-phase.live/strong%3E neu https://register.fca.org.uk/s/ ar gyfer y Gofrestr Gwasanaethau Ariannol[3].
Ein cyfrifon cyfryngau cymdeithasol
Rydym yn defnyddio nifer o gyfrifon cyfryngau cymdeithasol i rannu gwybodaeth gyda chwmnïau ac unigolion. Ond gall sgamwyr greu cyfrifon sy'n edrych yn debyg i'n rhai ni.
Dyma ein cyfrifon dilys:
- LinkedIn www.linkedin.com/company/financial-conduct-authority[2]
- X x.com/TheFCA[3], x.com/FCACymru[7]
- YouTube www.youtube.com/user/TheFCAtv[4]
- Instagram @financial.conduct.authority[5]
Rydym hefyd yn defnyddio TikTok, Snapchat a Reddit ar gyfer ymgyrchoedd a hysbysebion o bryd i'w gilydd. Os ydych chi'n gweld cyfrif cyfryngau cymdeithasol arall yn honni i’n cynrychioli, mae'n debyg ei fod yn sgam.
Mwy o sgamiau cyfathrebu ffug
Gall twyllwyr honni eu bod yn dod o sefydliadau eraill, gan gynnwys:
Cofiwch, os ydych chi'n amheus o unrhyw alwadau, negeseuon e-bost neu negeseuon testun rydych chi wedi'u derbyn, peidiwch ag ymateb nes eich bod wedi gwirio eu bod yn ddilys.
Dylech hefyd fod yn wyliadwrus o negeseuon e-bost neu alwadau sy'n honni eu bod yn dod o CThEM. Am ragor o wybodaeth, ewch i enghreifftiau CThEM o negeseuon e-bost gwe-rwydo[9].
Adrodd am cyfathrebu FCA ffug
Os ydych chi'n poeni am sgam posibl, neu os ydych chi'n meddwl y gallai twyllwr gysylltu â chi, rhowch wybod i ni.
Ffoniwch ni ar 0800 111 6768 neu defnyddiwch ein ffurflen gyswllt[4] i gysylltu â ni.
