Darllenwch am ein hymchwiliadau i gwmnïau ac unigolion a ddarparodd gyngor anaddas i ddefnyddwyr i drosglwyddo allan o Gynllun Pensiwn Dur Prydain (BSPS), yn ogystal â chynlluniau pensiwn buddion wedi'u diffinio (DB) eraill.
Mae pensiynau budd-daliadau wedi'u diffinio (DB) yn cynnig incwm ymddeol gwarantedig. Mae'n ofynnol i bobl sydd eisiau trosglwyddo allan o bensiwn o'r fath gael cyngor os yw'r gronfa yn werth mwy na £30k, i wneud yn siŵr bod hyn er eu budd gorau. Maen nhw’n dibynnu ar gael cyngor o ansawdd uchel sy'n eu galluogi i wneud penderfyniad gwybodus.
Cynllun pensiwn DB oedd Cynllun Pensiwn Dur Prydain (BSPS). Trosglwyddodd tua 8,000 o bobl allan o'r BSPS, ac mae ein tystiolaeth[1] yn awgrymu bod bron i hanner (46%) wedi gwneud hynny ar ôl derbyn cyngor anaddas.
Rydym wedi cynnal tua 30 o ymchwiliadau i gwmnïau ac unigolion ynghylch cyngor trosglwyddo DB sy'n gysylltiedig â BSPS. Mae ymchwiliadau bellach wedi'u cwblhau, ac rydym yn gweithio i ddod i benderfyniadau terfynol ar ba sancsiynau sy'n briodol lle rydym wedi canfod camymddygiad.
Gwneud iawn am gyngor BSPS anaddas
Ochr yn ochr â'n hachosion gorfodi, rydym wedi bod yn sicrhau bod cyn-aelodau BSPS yn gallu cael iawndal am gyngor anaddas.
Mae mwy na 6,500 o gyn-aelodau wedi cael cefnogaeth gan y Gwasanaeth Ombwdsmon Ariannol (FOS), Cynllun Iawndal Gwasanaethau Ariannol[2] (FSCS) neu drwy gynllun gwneud iawndal yr FCA. Mae £106m bellach wedi cael ei gynnig i gyn-aelodau BSPS i'w rhoi yn ôl yn y sefyllfa y byddent wedi bod ar ôl ymddeol. Mae rhagor o wybodaeth yma[3] am ein gweithredu ar y cyd i helpu cyn-aelodau BSPS i gael yr ymddeoliad yr oeddent yn gweithio tuag ato.
Rydym hefyd wedi cymryd camau lle mae cwmnïau wedi ceisio osgoi eu rhwymedigaethau ac wedi gwneud cynigion iawndal camarweiniol i ddefnyddwyr.
Ein dull o orfodi
Rydym wedi cymryd, ac yn cymryd camau gorfodi lle mae tystiolaeth o gamymddwyn difrifol.
Rydym wedi gweld 2 brif fath o gamymddwyn mewn achosion BSPS:
- Yn y rhan fwyaf o achosion, mae cwmnïau neu unigolion wedi torri'r egwyddor bod yn rhaid iddynt gynnal eu busnes gyda 'sgil, gofal a diwydrwydd dyledus'. Mae hyn yn golygu bod cynghorwyr wedi dangos diffyg cymhwysedd sylweddol yn eu cyngor.
- Mewn achosion mwy difrifol, mae cwmnïau neu gynghorwyr wedi torri'r egwyddor bod yn rhaid iddynt gynnal eu busnes 'gydag uniondeb'. Mae hyn yn golygu eu bod wedi bod yn ddi-hid neu'n anonest yn y ffordd y maen nhw wedi delio â defnyddwyr a/neu'r FCA.
Mae'r camau y gallwn eu cymryd yn cynnwys:
- sensoriaeth gyhoeddus
- cosbau ariannol
- gwahardd cynghorwyr anaddas
- cefnogi ymdrechion iawndal ehangach
Mae pob un o'r ymchwiliadau yn gymhleth ac yn cynnwys dadansoddi swm sylweddol o dystiolaeth, cyfweliadau â thystion allweddol ac adolygiadau o ffeiliau cwsmeriaid. Fe wnaethom ddatblygu teclyn (y DBAAT)[4] i asesu addasrwydd cyngor a ddarparwyd gan gwmnïau ac unigolion.
Camau gorfodi sydd wedi’u cwblhau
Mae'r tabl hwn yn rhestru'r camau gorfodi a gymerwyd hyd yma a bydd yn cael ei ddiweddaru wrth i ni barhau â'n gwaith.
Efallai y bydd iawndal sy’n ddyledus i ddefnyddwyr yn disgyn i'r FSCS i dalu. Rydym wedi cymryd camau i wneud y mwyaf o'r iawndal sydd ar gael trwy sicrhau, lle bo hynny'n briodol, bod pobl yr ydym yn cymryd camau yn eu herbyn yn talu arian yn uniongyrchol i'r FSCS. Bydd hyn yn lleihau'r galw ar yr FSCS ac yn sicrhau bod y partïon sy'n gyfrifol am gamwedd yn talu iawndal
| Enw | Canlyniad | Dyddiad | Cyhoeddiad (Dolenni Saesneg yn unig) |
| Pembrokeshire Mortgage Centre Limited (mewn datodiad) | Cosb ariannol o £2,354,331 | 1 Rhagfyr 2022 | |
Darren Reynolds Active Wealth (UK) Limited (mewn datodiad) | Cosb ariannol o £2,212,316 a gwaharddiad Mae Mr Reynolds wedi cyfeirio'r mater hwn at yr Uwch Dribiwnlys | 2 Mai 2023 | Datganiad i’r wasg[7] Datganiad i'r wasg[9] |
Toni Fox CFP Management Limited (mewn datodiad) | Cosb ariannol o £681,536 a gwaharddiad Mae Mr Fox wedi cyfeirio’r mater hwn i’r Uwch Dribiwnlys | 3 Mai 2023 | Datganiad i’r wasg[11] Datganiad i'r wasg[13] |
David Brian Price CFP Management Limited (mewn datodiad)
| Cosb ariannol o £632,594 Mae Mr Price wedi cyfeirio’r mater hwn i’r Uwch Dribiwnlys | 3 Mai 2023 | Datganiad i’r wasg[11] Datganiad i'r wasg[13] |
| Lighthouse Advisory Services Limited | Ceryddu cyhoeddus | 12 Mai 2023 | |
Mark Antony Abley County Capital Wealth Management Limited (mewn datodiad) | Taliad o £106,100 yn daladwy i’r FSCS Gwaharddiad o ddarparu gwybodaeth ar Drosglwyddiadau Pensiwn | 22 Mehefin 2023 | |
Paul Steel Estate Matters Financial Limited (mewn datodiad) | Taliad o £850,000 yn daladwy i’r FSCS a gwaharddiad | 26 Mehefin 2023 | |
Denis Lee Morgan Pembrokeshire Mortgage Centre Limited (mewn datodiad) | Gwaharddiad rhag cyflawni Uwch Swyddogaethau Rheoli ac o ddarparu cyngor ar Drosglwyddiadau Pensiwn | 26 Mehefin 2023 | |
Andrew Allen Mansion Park Limited (mewn datodiad) | Taliad o £85,606 yn daladwy i’r FSCS Gwaharddiad rhag darparu cyngor ar Drosglwyddiadau Pensiwn | 24 Awst 2023 | |
Keith Dickinson Mansion Park Limited (mewn datodiad) | Taliad o £70,000 yn daladwy i’r FSCS Gwaharddiad rhag darparu cyngor ar Drosglwyddiadau Pensiwn | 7 Medi 2023 | |
Simon Richard Hughes S&M Hughes Limited (mewn datodiad) | Taliad o £158,600 yn daladwy i’r FSCS Gwaharddiad rhag cyflawni Uwch Swyddogaethau Rheoli ac o ddarparu cyngor ar Drosglwyddiadau Pensiwn | 22 Medi 2023 | |
Andrew Deeney Active Wealth (UK) Limited (mewn datodiad) Fortuna Wealth Management Limited (mewn datodiad) | Cosb ariannol o £397,400 a gwaharddiad | 28 Medi 2023 | |
Geoffrey Edward Armin Retirement and Pension Planning Services Limited (wedi’i ddiddymu) | Taliad o £200,000 yn daladwy i’r FSCS Gwaharddiad rhag cyflawni Uwch Swyddogaethau Rheoli ac o ddarparu cyngor ar Drosglwyddiadau Pensiwn | 3 Tachwedd 2023 | |
David Nigel Lewis West Wales Fincancial Services Limited (mewn datodiad) | Taliad o £26,800 yn daladwy i’r FSCS Gwaharddiad rhag cyflawni Uwch Swyddogaethau Rheoli ac o ddarparu cyngor ar Drosglwyddiadau Pensiwn | 24 Tachwedd 2023 | |
Susan Mary Jones West Wales Financial Services Limited (mewn datodiad) | Taliad o £40,888 yn daladwy i’r FSCS Gwaharddiad o ddarparu cyngor ar Drosglwyddiadau Pensiwn | 24 Tachwedd 2023 | |
Inspirational Financial Management Limited (yn nwylo gweinyddwyr) | Cosb ariannol o £897,840 | 11 Mawrth 2024 | |
William Hofstetter Inspirational Financial Management Limited (yn nwylo gweinyddwyr) | Taliad o £40,000 yn daladwy i’r FSCS Gwaharddiad rhag cyflawni Uwch Swyddogaethau Rheoli ac o ddarparu cyngor ar Drosglwyddiadau Pensiwn | 11 Mawrth 2024 | |
Arthur Jonathan Cobill Inspirational Financial Management Limited (yn nwylo gweinyddwyr) | Taliad o £120,000 yn daladwy i’r FSCS Gwaharddiad rhag darparu cyngor ar Drosglwyddiadau Pensiwn | 11 Mawrth 2024 | |
Steve Hodgson Vintage Investment Services (heb ei awdurdodi mwyach) | Taliad o £32,700 yn daladwy i’r FSCS Gwaharddiad rhag cyflawni Uwch Swyddogaethau Rheoli ac o ddarparu cyngor ar Drosglwyddiadau Pensiwn | 23 Hydref 2024 | |
Paul Adams Vintage Investment Services (heb ei awdurdodi mwyach) | Taliad o £53,200 yn daladwy i’r FSCS Gwaharddiad rhag cyflawni Uwch Swyddogaethau Rheoli ac o ddarparu cyngor ar Drosglwyddiadau Pensiwn | 23 Hydref 2024 | |
| Philip Pryke | Cosb ariannol o £1,377,968 a gwaharddiad | 28 Tachwedd 2024 | Hysbysiad Terfynol[42] |
