Rydym yn ymgynghori ar gynigion ar gyfer cynllun iawndal i sicrhau bod aelodau Cynllun Pensiwn Dur Prydain (BSPS) a gafodd gyngor anaddas i drosglwyddo o'r cynllun ac a ddioddefodd golled ariannol yn cael iawndal.
Dioddefodd nifer fawr o aelodau BSPS golled ariannol ar ôl cael eu cynghori i drosglwyddo eu pensiynau allan o'r cynllun. Rydym yn cynnig gweithredu cynllun iawndal i ddefnyddwyr sy'n ei gwneud yn ofynnol i gwmnïau a roddodd gyngor i drosglwyddo allan o'r BSPS adolygu'r cyngor a roddwyd ganddynt, nodi a oedd yn anaddas a chyfrifo a thalu iawndal i ddefnyddwyr lle bo angen.
Rydym yn cymryd y camau beiddgar hyn i ddiogelu defnyddwyr. Cafodd cyn-aelodau'r cynllun lefelau sylweddol uwch o gyngor anaddas nag achosion eraill. Felly, dan ein cynigion, rydym am i'r rheini a gollodd allan yn ariannol ar ôl cael cyngor anaddas gael iawndal drwy ein cynllun.
Mae'r ymgynghoriad hwn ar gyfer:
Os ydych yn ddefnyddiwr, cewch ragor o wybodaeth am y cynllun iawndal ar ein tudalen Cynllun Pensiwn Dur Prydain.
Trosglwyddodd llawer o aelodau'r BSPS allan o'r cynllun ar ôl derbyn cyngor anaddas ac maent wedi dioddef colled ariannol o ganlyniad. Gwnaethom adolygu ffeiliau o sampl o'r cwmnïau a argymhellodd drosglwyddo allan o BSPS ac rydym wedi dod i'r casgliad bod y cyngor anaddas yn eang.
Rydym wedi cyhoeddi llythyr Annwyl Brif Swyddog Gweithredol at gwmnïau o fewn cwmpas cynllun iawndal posibl, gan ailadrodd ein disgwyliadau bod yn rhaid i gwmnïau gael adnoddau ariannol digonol, dylent gadw asedau ar gyfer ymarferiad iawndal posibl, ac ni ddylent geisio osgoi eu cyfrifoldebau.
Mae'r ymgynghoriad hwn bellach wedi cau. Byddwn yn cyhoeddi adborth ar ymatebion ac yn cyhoeddi Datganiad Polisi unwaith y byddwn wedi adolygu eich sylwadau.
Links